Erretinopatia diabetikoaren detekzioa eskuz egiten den prozesua da, eta denbora, baliabide ekonomikoak eta pertsona espezializatu asko kontsumitzen du. Diabetikoen kopurua hazten jarraitu ahala eta langile espezializatuen baliabideen eskasia handitu ahala, Erretinopatia Diabetikoaren baheketa burutzeko azpiegitura are urriagoa eta bideraezinagoa izango da. Baheketa prozesuak hobetzeko eta automatizatzeko tresna eraginkorrak eta eskuragarriak edukitzeko premia dela-eta soluzio integral bat garatu dugu eskuragarri dauden baliabideak optimizatzeko eta baheketa programen irisgarritasuna hobetzeko.
Gaur egun, osasun sistema nazionaletan badira diabetiko guztientzat gomendatutako baheketa sistematikoko programak ezarrita, urtean behin /bi urtean behin miaketa bat eskatzen dutenak. Hala ere, gehienetan maiztasun hori ez da betetzen baliabide faltagatik. Kasu askotan, baheketa begiz egiten da oftalmologoaren edo entrenatutako lehen mailako arretako medikuen bitartez.
Pazientea zentro klinikora joaten da eta bertan lehen mailako arretako mediku batek begi hondoko irudiak hartzen dizkio. Miaketa horra bideratu daiteke U-RETINAL DFCri esker.
Lehen mailako arretako medikuak gailua UMI Plataformarekin konektatzen du. Irudiak modu automatikoan kargatu eta banatuko dira ebaluatzeaz arduratzen diren espezialisten artean.
Diagnostikoan laguntzeko, irudiak adimen artifizialeko gure softwareak aztertzen du. Erretinako lesioak eta alterazioak detektatzeko gai da software hori.
Espezialistaren diagnostikoaren eta gomendioen ondoren, plataformak azterketa erregistratzen du eta txosten bat sortzen du familiako medikuari zein pazienteari emateko.
Gure soluzioarekin profesionalek Erretinopatia Diabetikoa diagnostikatzen lagunduko dien tresna automatiko eraginkor bat dute eskura, kostu onean, Erretinopatia Diabetikoa prebenitzeko edota garaiz detektatzeko gaitasunarekin. Tresna horrekin eguneroko lanak errazago ahal izango dituzte, paziente diabetikoen populazio baheketako prozeduretan erabili ahal izango luketelako, baliabideen kudeaketa optimizatuz eta gaixotasunaren prebalentzia eta eragina gutxituz. Ondorioz, prozesu honek dakartzan osasun gastuak murriztuko lirateke.
Telemedikuntza osasun sistemek dituzten erronka sozioekonomikoei irtenbidea emateko apustu gisa aurkeztu da. Osasun baliabideen optimizazioan, ospitaleko egonaldien murrizketan eta desplazamendu kopuruaren murrizketan duen rolak are nabarmenagoa egiten du osasun sistemen eraginkortasuna eta iraunkortasuna hobetzeko tresna hauek duten garrantzia. Gure soluzioari esker, begietako gaixotasunak diagnostikatzen, sendatzen, arintzen, tratatzen edo aurreikusten lagunduko duen informazioa sortu, zaindu, aztertu, gorde edo jaso dezakegu, oztopo geografiko eta logistikoei aurre eginez.
Telemedikuntza integraleko gure zerbitzuak irudiak hartzeko gailuak eta erabilera errazeko software mediko adimendunak eskaintzen ditu, oftalmologia baheketa zerbitzu espezializatuak eskaintzeko beharrezkoak diren estaldura, denborak, kostuak eta azpiegitura optimizatzeko. ULMAk, soluzio teknologikoarekin batera, oftalmologo talde bat eskaintzen du, pazientea artatzeaz eta hari miaketa egiteaz arduratzen diren erabiltzaile klinikoei laguntzeko.
Enpresako prebentzio zerbitzuen modalitate guztietarako Teleoftalmologiako zerbitzu integrala. Barne kostuak eta langile (mediku) espezializatuen dedikazioa murrizteaz gain, enpresako langileek zerbitzua eskuragarriago izanik, horri esleitutako aurrekontua optimizatuz.
Laneko Osasuneko zerbitzua egokitzea biztanleriaren zahartzearen erronkari erantzuteko. Zerbitzuari esker, atxikidura falta edo galeragatik independentzia eta bizi kalitatea eten zaien 65 urtetik gorako pertsonen osasun integraleko zaintzako jarduerak maximizatu daiteke.
We are currently working on new developments for ophthalmology field to offer solutions for glaucoma and age-related macular degeneration (AMD) diseases, as well as, innovative tools for clinical research. We currently have the following solutions in the development stage.
Erretina hodien kalibreak automatikoki kuantifikatzea eta arteria-zain ratioa neurtzea ahalbidetzen duen ikerketa klinikorako tresna. Gaixotasun sistemikoen azterketa epidemiologikoetarako eta farmakoen saiakuntza klinikoetarako baliagarria.
Soluzio adimenduna ALMEaren jarraipena pazientearen etxera zabaltzeko, biomarkatzaile patologikoen analisi eta interpretazio automatikoa OCT irudietan automatizatuz, tratamendu pertsonalizatua eta bilakaera optimoa lortzeko.
Glaukomaren diagnostikoa eta baheketa egiteko Teleoftalmologia sistema bat da, emaitza oftalmologikoen lesio okularren patroien eta pazientearen berezko arrisku faktoreen analisi eta interpretazio automatikoan oinarrituta dagoena.